OKTAY HACIMUSALI

Nə odlar gülüstan oldu sayəndə,
Nə güllər açıldı bağda, Əfəndim!
Şöylənə yığışdıq hər səhər – axşam,
Gəldi hüzuruna dağ da, Əfəndim!

Ağıldan deyəndə divanələr də,
Bizlər eşq aradıq pərvanələrdə.
Hələ də qalıbmış meyxanələrdə,
Haqq dərvişi bizim çağda, Əfəndim!

Şeirdən duyular təzə – tər nəfəs,
Hər bənddə dağılar ayrı bir qəfəs.
Sözünə bu qədər hardandır həvəs,
Əyləşiblər solda, sağda, Əfəndim?!

Submit to DiggSubmit to FacebookSubmit to Google BookmarksSubmit to StumbleuponSubmit to TechnoratiSubmit to TwitterSubmit to LinkedIn

Şərh yaz


Təhlükəsizlik kodu
Yenilə