HAFİZ HACXALIL (TEMİROV)

Hopdu damla-damla su yaddaşma,
Qaya baxışıma, qu yaddaşıma..
İlahi, nə deyim bu yaddaşıma,
İlahi, nə idi o qızın adı..?

Bir mələk boylandı, bir bəndə getdi,
Bilmədim, mən yazıq nə səmtə getdi; 
Saldı ürəyimi kəməndə getdi,
İlahi, nə idi o qızın adı..?

Sinəm həsrət-həsrət qara şum oldu,
İki əlim oldu, bir başım oldu... 
O qız sənin mənə qarğışın oldu, 
İlahi, nə idi o qızın adı?..

Kəsib günəş donlu qanadımı da,
Sındırıb sonuncu inadımı da... 
Deyəsən, bir yolluq unudacağam,
Vallah belə getsə öz adımı da. - 
İlahi, nə idi o qızın adı?..

Submit to DiggSubmit to FacebookSubmit to Google BookmarksSubmit to StumbleuponSubmit to TechnoratiSubmit to TwitterSubmit to LinkedIn

Şərh yaz


Təhlükəsizlik kodu
Yenilə